28 октября 2023. Мүнөөдэр Улаан-Yдэдэ Пушкинай нэрэмжэтэ сквер соо ёhо заншал болошоhон субботник үнгэргэгдэбэ. Аса тармуураа баряад депутадууд горсоведэй ажалшадтай эгээл дуратай хотын hуугшадай амардаг газар сэбэрлэбэд. Ушар болоhон талаhаа UlanMedia-гай (УланМедиа) корреспондент.
Октябрь hарын субботник ёhо заншал болошонхой. Энэ жэлдэ субботник hарын хугаса соо үргэлжэлбэ. Железнодорожно райондо энэ месячниктэ 302 эмхиин 7664 хүн хабаадалсаа.
Тиигээд горсоведэй депутадууд өөрынгөө округhоо гадна үшөө Александр Сергеевичай сквертэ хүдэлхэеэ сугларбад.
— Бидэ жэлдэ хоёр дахин наашаа ерэжэ скверээ сэбэрлэдэгбди. Сквермнай сэбэр болоод байхадаа нюдэ баярлуулна. Эндэ хотын ажаhуугшад амарха дуратай, хажуудань колледж, гимнази бии. Иимэ ажал хэхэдэ Улаан-Yдэмнай үшөө гоё боложол байна. Энээн тухай манай городой айлшад хэлэнэд гэжэ Чимит Бальжинимаев хөөрэнэ.
Ниислэл хотоёо сэбэрээр барихын тула оролдохо хэрэгтэй, залуушуулые иимэ ажалда хабаадуулха. Иимэ ажал хэжэ байхада 9-дэхи классай hурагша Адислана Мунконова хамhалсахаяа оробо.
Городоймнай паркнууд соо, үйлсэ дээрэ сэбэр байхын тула оролдоноб. Энэ минии багахан оруулалта гэжэ залуу басаган хэлэжэ үгэбэ.
Чимит Бальжинимаев баярые хүргэбэ, тиигээд субботник хадаа шухала удхатай хэмжээ ябуулга гэжэ тэмдэглэбэ.
Наталья Бакланова