"Амисхаал" түһэл хадаа "Найдал" жасын Буряад Уласай Юрэнхылэгшын захиргаан, Засагай газарай дэмжэлгээр зохёон байгуулһан грантын урилдаанай илагшадай нэгэн боложо, түһэлэй зохёогшод болохо Булыгин Лев Цыбикжапов Саяан хоёр түһэлөө саашань хүгжөөхын тулада 50 мянган түхэригэй баталамжада хүртөө гэжэ UlanMedia МА-ай һурбалжалагша бэешэлэн оролсожо мэдээсэнэ.
Улаан-Үдэ хотын залуушуулай хэрэг эрхилхэ газарай дарга Дымчиков Эрдэни "Амисхаал" гэһэн программа болбосоруулагшадта талархажа, буряад хэлэ үзэхэ дуртай хүнүүдтэ зорюулһан "Амисхаал" гэһэн бүлэг ниигэмэй һүлжээндэ байдаг гэжэ тэмдэглэһэн байна.
Түһэлэй зохёогшод ниигэмэй һүлжээндэхи бүлэгөө саашань хүгжөөжэ, бүридхүүлэгшэдэй тоое 20 мянганда хүргэхэ зорилготой түһэлые "Интэрнэт түһэл" гэһэн һалбарида үгэһэн байгаа.
– Мүнөө үедэ залуушуулай 90%-нь "ВКонтакте" гэһэн ниигэмэй һүлжээе хэрэглэдэг юм гэжэ Дымчиков Эрдэни тайлбарилаа.
"Интэрнэт түһэл" гэһэн һалбарида үгэһэн түһэлынь илажа, мүнгэн дэмжэлгэдэ хүртөөгүйшье һаань, иигэһээр заал һаа мүнгэ оложо, зорилгодоо хүрэхэ юм гэжэ Дымчиков Эрдэни этигэнэ. Мүн программыень олон хүн татажа абаһанай ушарынь хадаа залуушуулда таараха хэлбэритэйгээр хэжэ шадаһанда оршоно гэжэ онсолон тэмдэглээ.
- Миин лэ буряад хэлэ зааха бэшэ, буряад хэлые залуушуулда һонирхолтой зохид болгоно гэжэ Дымчиков Эрдэни этигэнэ.
Улаан-Үдэ хотын Залуушуулай хэрэг эрхилхэ газарай дарга тус программые өөрөөшье ехэ зохидшоожо хэрэглэдэгээ хөөрэжэ, болбосоруулагшадта иигэд гээд зогсонгүйгөөр шэнэ һонин юумэ зохёожо хэрэгжүүлжэ байхыень хүсэбэ.
