Майн 17-до Улаан-Үдын һунгамалнууд Зүблэлэй ээлжээтэ 42-дохи сесси үнгэрбэ. Тэрээн дээрэ 14 асуудал 27 депутадууд зүбшэн баталаа. Улаан-Үдын 2022 оной бюджедэй гүйсэдхэлгэ тухай тоосоо хотын Захиргаанай сан жасын хорооной түрүүлэгшэ Татьяна Базякина элидхэл уншаа. Тиихэдээ иигэжэ тэмдэглээ: “Хотын бюджет руу үнгэрһэн жэлдэ 21 млрд. түхэриг мүнгэн ороо. Урда жэлнүүдтэ орходоо, татабариин болон татабариин бэшэ олзо оршонуудай хэмжээн дээшэлээ. Аяар 69 саяһаа үлүүтэй мүнгэн энэ шэглэлээр ороо”.
42-я сессия прошла 17 мая. Фото: Фото: Горсовет Улан-Удэ
Тиихэдэ энэ сесси дээрэ хотын газарай асуудал шиидхэгдээ. Хотын Зүблэлэй барилгын политикын, барилгын болон газар хэрэглэлгын хорооной түрүүлэгшэ Василий Цыремпиловэй дуулгаһаар, хотын генеральна түсэбтэ хубилалтануудые оруулхын тулада ехэ ажал ябуулагдаа. Тэрэ асуудал 41-дэхи сесси дээрэ бодхоогдоод, баталаглангүй үлэһэн байгаа. Юндэб гэхэдэ, зоной талаһаа ехэ олон хандалганууд ороо. Хорооноймнай гэшүүд прокуратуратай хамта ябажа, газар дээрэнь хаража, зүб мүрөөр шиидхэхэ гэжэ оролдоо. Тиихэдээ нэн түрүүр арад олоной тала хараа. Жэшээнь, Таёжный һууринай ажаһуугшад одоошье газарай ба гэрэй саарһа суурһатай болохонь гээшэ. Буряад Уласай 601-дэхи болон 11-дахи хуулинуудай ёһоор Генеральна түсэб соо буруу оруулһан зононуудыент тэгшэлээбди.
Первым вопросом депутатами рассмотрено исполнение бюджета города за 2022 год. Фото: Фото: UlanMedia (УланМедиа)
Улаан-Үдын 105-дахи хороодо 3 дабхар гэрнүүдые бодхоохо эрхэ олгуулһан Ж-2 гэһэн түхэлэй зоные Ж-3 түхэлэй болгожо, табан дабхар гэрнүүдые бариха арга энэ сесси дээрэ олгуулагдаба.
"Арад зомнай ехэ баяртай байхал даа! Ехэ олон асуудалнууд хараалагдажа баталагдаа”, — хотын һунгамалнуудай Зүблэлые толгойлогшо Чимит Бальжинимаев тобшолол хэбэ.
Үшөө тиихэдэ энэ сесси дээрэ “Улаан-Үдын хүндэтэ эрхэтэн” гэһэн үндэр нэрэ зэргэ Улаан-Үдын 35-дахи һургуулиин захирал Людмила Пахомовада, “Желдорремаш” бүлгэмэй зайн галшан Александр Павлуцкий гэгшэдтэ олгуулагдаа.
