30 жэлэй хугаса соо 1-дэхи лицей искусствын габьяата ажал, эрдэм ухаан, управлени, спорт ябуулагшадые хүмүүжүүлээ. Мүнɵɵ хадаа манай лицей ганса Буряад уласта бэшэ харин Росси гүрэн соо эгээл бэрхэ hургуулинуудай нэгэн гэжэ тоологдоно.
1946 ондо Улаан-Yдэдэ буряад хэлэнэй дунда hургуули нээгдэhэн байна. Тэндэ 200 hурагшад 8-10 класста hураха болобо. Тэрэ сагhаа хойшо шухаг эрдэмэй байгуулгын түүхэ эхилээ. Мүнɵɵ тэрэ hургуули Буряадай 1-дэхи лицей-интернат гэжэ алдартай.
Мүнɵɵдэр лицейн ажаллагшад актова зал соогоо ветерануудаа амаршалаа. Директор Булат Шойнжонов лицейн "Мүнгэн ромб" гэhэн тэмдэг 40 удаан ажаллаhан хүнүүдтэ барюулаа. Тэдэ ветеранууд 25 жэлhээ үлүү хүдэлhэн байнад. "Алтан ромб" гэhэн тэмдэгээр ганса түрүүшын лицейн эрхилэгшэд Жалсан Санжиев ба Баир Жалсанов тэмдэглэгдэhэн байнад.
Мүнɵɵ БРНЛИ №1 амжалтаараа омогорхоно. Бүхы Россин "Школа года" гэhэн конкурсто манай лицей найма дахин лауреат болоо. 2000 ондо "100 лучших школ России" гэhэн сертификадаар шагнагдаа.
"30 жэл үнгэргэгдэбэ. Энэ сагай хугаса соо манай эмхи зургаан хоёр дахин нэрээ hэлгэбэ, тиин ухаан сэдьхэлынь зоригжуулна. Эндэ үхибүүд ехэ ухаатай, түрэл буряад хэлэеэ үзэнэд, ёhо заншалаа шэнжэлнэд. Лицейдэ хүдэлмэри хэхэдэ, hурахада, соёл болбосорые шудалхада, спорт ябуулхада — бүхы ажалда таатай условинууд бии" — гэжэ горсоведэй трүүүлэгшэ Чимит Бальжинимаев тэмдэглээ.
108 лицей дүүргэгшэд алтан медальтай, 84 — мүнгэн медальтай. Зуугаад выпускнигууд эрдэмтэн болоо, Тэдэнэй дунда эрдэмэй кандидадууд, профессорнуд бии гэжэ лицей-интернадай эрхилэгшэ хɵɵрэбэ.
Лицейн выпускнигууд багшанарнуудта — Екатерина Прокопьевна Бурдуковская, Надежда Алексеевна Ободоева (химиин багша), Ксения Васильевна Даниленко (француз хэлэнэй багша), Нина Константиновна Дырхеева (географи), Татьяна Григорьевна Тоглоева (математикэ), Агния Богдановна Бураева (физикэ), Валентина Иннокентьевна Иванова (истори), Хандама Дугаровна Дамдинова (буряад хэлэн литературын багша), гэхэ мэтын үшɵɵ олон багшанарнуудтаа ехэ баясхаланиие хүргэбэд.
Наталья Бакланова
