Хэрбээ мүнгэ олоболнай, шэб шэнэ технологи олдоно ааб даа гэжэ Буряад Уласай юрэнхылэгшэ Вячеслав Наговицын "Байгалай хөөрэлдөөн" шуулганай хүреэндэ болоһон "Мицүбиси" компаниин танилсуулга хараһанайнгаа һүүлээр хэлэһэн байна. Тэрэнэй хэлэһээр, энэ һалбарида энээнһээ урда тээ мэдэдэг байһан зүйлнай хуушаранхай байна. Гэбэшье энэ хуушарһан юумыешье Буряадтаа ёһоор хэрэгжүүлжэ шаданагүйбди. Энээн тухай Буряад Уласай юрэнхылэгшэ Вячеслав Наговицын, Үбэр Байгалай хизаарай захирагша Константин Ильковский, Гүрэнэй Дүүмын хорооной дэд түрүүлэгшэ Михаил Слипенчугэй хэблэлэй уулзалгаһаа UlanMedia МА-ай һурбалжалагша мэдээсэбэ.
Энээнэй урда тээ, японой "Мицүбиси" компани, австриин "ALBA Group" бүлэглэлэй түлөөлэгшэд экологи, хог болбосоруулха һалбаридахи шэлдэг ололтоо Буряад Уластай хубаалсахаар бэлэн байна гэжэ мэдээсээ һэмди. "Байгалай хөөрэлдөөн" шуулганай хүреэндэ Буряад Уласай юрэнхылэгшэ Вячеслав Наговицын эдэ технологинуудые Буряад Уласта хэрэгжүүлжэ болохо, үгы талаар хөөрэлдэһэн байна. Японой "Мицүбиси" концерн, австриин "ALBA Group" бүлэглэл хадаа хог суглуулан хубаажа болбосоруулха оршон сагай технологёороо дэлхэй даяар нэрэтэй болонхой.
— Маанад японой "Мицүбиси" компанитай уулзажа, технологиин элдэб асуудалаар хөөрэлдөө һэмди. Энэ уулзалгын урда тээ маанадта харуулһан хог үгы болгохо, дахин болбосоруулха гэһэн зорилготой бүхы юумэн хадаа хуушаранхай гэжэ тон һайн ойлгожо байнаб. Энэ хуушаршаһан юумыеньшье хэрэг болгожо шадаагүй байһаар байнабди. Гэбэшье японой компанида мүнгэ оложо шадабал, шэнэ технологи оложо шадахабди гэжэ баталан хэлэһэн байнаб гэжэ юрэнхылэгшэ хэлэбэ.
Танилсуулһан технологиин мүн шанарынь миин хог үгы болгоод лэ орхихо бэшэ. Бидэ мэдэнэ хаямди, мүнөө дээрэ хамаг хогоо үйлэдбэридэ суглуулаад, хии гү, сахилгаан элшэ бии болгохонь эгээ дээдэ технологи гэжэ үзэдэг гээшэ. Харин "Мицүбиси"-иинхидэй дурадхаһаниинь энээнһээ үлүү юм. Хог шатаахада гарадаг үнэһэ бааһые доронь болбосоруулаад, барилгын материал болгожорхидог юм байна. Тиигээд энэ хогынь һүүлэй һүүлдэ гарахадаа сэб сэбэр агаар болоод гарадаг байна. Гараһан сахилгаан элшыень энэ хогоо плазмаар гүйсэд шатаахада хэрэглэнэ. Иимэ технологиие Япондоо ашаглажа байна. Энэ хадаа шэб шэнэ, хамагай һүүлэй үеын технологи болоно. Баруунай оронуудташье иимэ юумэн үгы гээшэ. Маанадта харуулхадаа, гэртээ үндэһэнэй паркда хэрэгжүүлдэгбди гэжэ хэлээ юм. Эгээл манай эндэ таараха юумэн болоно. Гол юумэниинь юун бэ гэбэл, тус технологиин ниитэ зарадал хадаа Баруунай орондо дэлгэрһэн хог шатааха үйлэдбэритэй адлирхуул болохо зэргэтэй.
Энээнэй урда тээ UlanMedia МА-ай мэдэсээһэниие һануулбал, Гүрэнэй Дүүмын хорооной дэд түрүүлэгшэ Михаил Слипенчугэй үүсхэлээр зохёон байгуулһан "Байгалай хөөрэлдөөн" олон уласай гурбадугаар шуулганай хүреэндэ болохо бага хурал Буряад Уласта наймадугаар һарын 22-то эхилбэ гээшэ. Тус бага хурал дээрэ тус уласай эрдэс түүхэй эдэй һалбари хүгжөөхэ, Монгол болоод Хятадтай харилсаа холбоогоо үрнюулхэ зэргэ асуудал хэлсэгдэхэ болоно. Энээнһээ гадна Байгалай бүһэ нютагые хүгжөөхэ шэглэлтэй холбооной уласай хуули тогтоомжые хаража үзэхэ юм. Тэрээн дотор хилын хамтын ажаллалга, органик хүдөө ажахы, тусхай хамгаалалтатай байгаалиин нютаг дэбисхэр тухай хуулинууд байна.
