Ородой Холбооной уласта Европын Холбооной оронуудһаа хүдөө ажахын бүтээгдэхүүн болоод хүнэһэ оруулхые хориглоһониинь Буряад Уласай хүдөө ажахын һалбарида дэмжэлгэ үзүүлхэ. Буряад Уласай юрэнхылэгшэ Вячеслав Наговицын ОХУ-ай юрэнхылэгшын хориг тухай шиидбэриие бүрин дэмжэжэ байһанаа элирхэйлбэ. Юундэб гэбэл, Наговицынай бодолоор, иимэ арга хэмжээ Буряад Уласай хүдөө ажахын һалбариин хүгжэлтэдэ һайн нүлөө үзүүлхэ юм ха гэжэ Буряад Уласай Засагай газарай хэблэлэй албан мэдээсэһые UlanMedia МА дамжуулба.
"Энэ шиидхэбэринь манай хүдөөгэй үйлэдбэриин хүгжэлтэдэ дэмжэлгэ үзүүлхэ юм. Буряадаймнай хүдөөгэй ажалшад хүн зониие гол шухала хүнэһөөр хангажа шадажа байна. Зарим талаар шадаагүй һаа, оруулжа ерэһэн бүтээгдэхүүнтэй үрсэлдэһэнһөө болодог байгаа. Бидэ өөһэдыгөө һү үндэгөөр хангахаар бэлэмди. Ород гүрэнэй зүүн хизаарта эгээ томо гахайн мяханай үйлэдбэри бариһан байнабди. Тус үйлэдбэри жэлэй 13 мянган тонно сэбэр жэнгэй мяха гаргаха аргатай. Мүн шубуунай үйлэдбэри баригдажа байна. Энэ хадаа эхэ һүрэгтэй, жэлэй 25 мянган тонно тахяагай мяха хангаха шадалтай байха юм. Өөһэдыгөө үндэр шанартай жэмэсгэнэ ногоогооршье хангажа шадаха байнабди. Жэмэс гэбэл, БНХАУ*-тай нягта холбоотойбди.
Һагба гарагта Ород гүрэнэй юрэнхылэгшэ Владимир Путин нэгэ жэлэй туршада ОХУ-ай эсэргүү хориг табиһан оронуудһаа хүдөө ажахын зарим бүтээгдэхүүн, түүхэй эд, хүнэһэ оруулхые хориглоһон байна гэжэ һануулая. Засагай газарта тусхай даалгабари үгэжэ, хориглохо бүтээгдэхүүнэй тодорхой жагсаалта хүүлэхэ юм.
*Бүгэдэ найрамдаха Хятад арад улас — КНР
