Буряад Уласай багшанар "Буряад хэлэн — түрэлхи хэлэн", "Буряад хэлэн — гүрэнэй хэлэн" гэһэн хүтэлбэреэр нээлтэтэй хэшээл, мастер-класс хэбэ. Буряад хэлэ, уран зохёолой багшанарай холбооной эдэбхи үүсхэлээр һурагшадые бэшэгэй хэлэнэй яряанда һургаха арга барил тухай уласай һургалта зохёон байгуулһан байна. Тус һургалтые Хори тосхоной 1-дүгээр дунда һургуулида үнгэргөө. "Уран үгын дээжэ" гэһэн уласай урилдаанай гурбан һалбариин шангуудые илагшадта гардуулба гэжэ UlanMedia мэдээсэлэй агентлигай һурбалжалагша, Буряад хэлэ, уран зохёолой багшанарай холбооной түрүүлэгшэ Лхасаранова Баярмаа мэдээсэбэ.
Тус арга хэмжээ Буряад Уласай болбосоролой байгуулгада ажаллаха буряад хэлэ, уран зохёолой бүхы багшанарай ажалые нэгэдүүлэн зохисуулха, мүн багшын уран шадабариие хүгжүүлхэ, мэргэжэлыень дээшэлүүлхэ зорилготой байба.
Һургалтада Ярууна, Бабанта, Хори, Хэжэнгэ, Загарай аймагай буряад хэлэ, уран зохёолой 65 багша, Буряад Уласай Юрэнхылэгшын захиргаан болон Засагай газар, Буряад Уласай болбосорол, шэнжэлхэ ухаанай яаманай мэргэжэлтэд хабаадаһан байна.
Һургалтын ябасада һуралсалай аргын хэрэглэгдэхүүн, болбосоролой сахим нөөсэ, хэшээлэй тобшололой урилдаа үнгэргөө юм. Тиихэдээ угсаатанай соёл зааха хэрэглэгдэхүүниие суглуулжа, задалан шэнжэлжэ, ангилан магадлахада тухайн зохёогшын гаргаһан шэнэлиг һанал бодолые элирүүлхэ, мүн ажалдаа бүтээлшээр хандадаг, болбосоролой шэнэ дадалгые хэрэглэхэдэ эдэбхитэй багшанарые оложо таниха гэжэ оролдоһон байна.
Урилдаанай үри дүнгөөр багшанарые "Уран үгэ", "Сэсэн гуа", "Эрдэм бэлигэй дээжэ" гэхэ гурбан түрэлөөр шагнаа. Түрэл бүхэндэ гурбан шагналтай байгаа. Илагшад уласай урилдаанай шагналтанай диплом, дурасхалай бэлэгтэ хүртэһэн байна.
"Уран үгэ" гэһэн түрэлөөр 1-дүгээр зэргын дипломдо Хори аймагай Ааланай дунда болбосоролой һургуулиин буряад хэлэнэй багша, Хори аймагай буряад хэлэ, уран зохёолой багшанарай зааха аргын нэгэдэлэй ударидагша Ширапова Баярмаа хүртөө.
2-дугаар зэргын дипломдо Хэжэнгын дунда болбосоролой һургуулиин буряад хэлэнэй багша, Хэжэнгэ аймагай буряад хэлэ, уран зохёолой багшанарай зааха аргын нэгэдэлэй ударидагша Доржиева Дашима хүртөө.
3-дугаар зэргын дипломдо Ярууна аймагай Иисингын дунда болбосоролой һургуулиин буряад хэлэнэй багша Шойндонова Анжела хүртөө.
"Сэсэн гуа" гэһэн түрэлөөр 1-дүгээр зэргын дипломдо Загарай аймагай Эрхирэгэй дунда болбосоролой һургуулиин буряад хэлэнэй багша Дашиева Цэцэгмаа хүртөө.
"Сэсэн гуа" гэһэн түрэлөөр 2-дугаар зэргын дипломдо Хори аймагай Хориин дунда болбосоролой 1-дүгээр һургуулиин буряад хэлэнэй багша Ванжилова Лариса, "Сэсэн гуа" гэһэн түрэлөөр 3-дугаар зэргын дипломдо Хэжэнгэ аймагай Хэжэнгын дунда болбосоролой һургуулиин буряад хэлэнэй багша Сультимова Цэндэма хүртөө.
"Эрдэм бэлигэй дээжэ" гэһэн түрэлөөр 1-дүгээр зэргын дипломдо Хори аймагай Хориин дунда болбосоролой 1-дүгээр һургуулиин буряад хэлэнэй багшанарай зааха аргын нэгэдэл хүртөө.
"Эрдэм бэлигэй дээжэ" гэһэн түрэлөөр 2-дугаар зэргын дипломдо Ярууна аймагай Үльдэргын дунда болбосоролой һургуулиин буряад хэлэнэй багша Жамбалова Баярмаа хүртөө.
"Эрдэм бэлигэй дээжэ" гэһэн түрэлөөр 3-дугаар зэргын дипломдо Ярууна аймагай Эгэтын-Адагай дунда болбосоролой һургуулиин буряад хэлэнэй багша Доржиева Сэмжэдмаа хүртөө.
Мүн Буряад Уласай багшын колледжын захиргаанай зүгһөө "Буряад арадайнгаа ёһо сахигша" гэһэн гурбан шагналтай тусхай түрэл үүсхэһэн байгаа. Энэ түрэлөөр 1-дүгээр зэргын дипломдо Буряад хэлэнэй һалбари дүүргэһэн, мүнөө Ярууна аймагай Мужыхын дунда һургуулиин захирал Цыренова Чимита, 2-дугаар зэргын дипломдо Буряад хэлэнэй һалбари дүүргэһэн, Хориин 1-дүгээр дунда һургуулиин буряад хэлэнэй багша Гынденова Любовь, 3-дугаар зэргын дипломдо Буряад хэлэнэй һалбари дүүргэһэн, Загарай аймагай Элхиин дунда һургуулиин буряад хэлэнэй багша Бальжинимаева Баярмаа тус тус хүртөө юм.
Һургалтада хабаадаһан багшанарта Буряад Уласай Болбосорол, шэнжэлхэ ухаанай яаман, Буряад хэлэ, уран зохёолой багшанарай холбоон, Буряад Уласай багшын колледж зэргэ байгуулгын зүгһөө сертификат, баярай бэшэгүүдые гардуулаа.
Бэшэгэй хэлэнэй яряа зааха арга барилай удаадахи һургалтань ерэхэ жэлэй хоёрдугаар һарада Хяагта, Сэлэнгэ, Зэдэ, Бэсүүр, Мухар-Шэбэр аймагай багшанарай хабаадалгатайгаар Хяагта хотодо болохоор хараалагданхай.
