Улаан-Үдэ хотын захиргаанай ажахын, унаагай болон хэлхеэ холбооной талаар хорооной суглаан мүнөөдэр боложо үнгэрбэ. Хуралдаан дээрэ "дулаагаар хангалга" гэһэн сэдэбээр ори ганса асуудал хотын зүблэлэй һунгамалнууд хараһан байна.
Депутаты обсудили землепользование в городе. Фото: UlanMedia (УланМедиа)
Шэнэ хуулиин түсэл абахаһаа урид һунгамалнууд Улаан-Үдэ хотын захиргаанай хорооной түрүүлэгшэ Сергей Гашевай бэлдэһэн элидхэл шагнабад.
— Ород Уласай "дулаагаар хангалга" гэһэн шэнэ хуули абтаһанай удаа бидэ өөһэдынгөө хуулида нэмэлтэ оруулха болонобди. Гэр байрануудые дулаагаар хангадаг эзэгүй соргонуудые Улаан-Үдэ хотын хороон өөр дээрэ даажа абаха ёһотой. Энээнһээ урид бидэ иимэ эзэгүй соргонуудые шалгадаг, хэрэгтэй һаань заһабарилдаг байгаабди. Харин мүнөө хуулиин ёһоор манай ээм дээрэ тохогдобо. Энэнь тон зүб гээшэ. Хаясаанай шахуу соргонууд аюултай байна ха юм. Шэнэ эзэтэй болоторонь гү, али эзэдэйнь элиртэрэнь хотын захиргаанай мэдэлдэ байха болоно, — гэжэ Сергей Гашев һунгамалнуудай урда үгэ абахадаа хэлэбэ.
Председатель Горсовета Чимит Бальжинимаев. Фото: Пресс-служба Горсовета
Үнрэхөөрөөшье иимэ эзэгүй соргонуудай соорожо һалабалань, үбэлэй янгинама хүйтэндэ ажаһуугшадай гэр байранууд дулаагаар хангагдахаяа болихонь мэдээжэ. ХЕхэ аюул боложо магадгүй. Тиимэһээ хорооной түрүүлэгшын элидхэл һунгамалнууд һайнаар шагнаһанай удаа нэгэн дуугаар зүбшөөбэд. Саашадаа энэ түсэл хуули боложо абтатараа үшөө хэды дахин хорооной суглаанда, һунгамалнуудай үдэртэ хэлсэгдэхэ.
Тэрэнэй һүүлээр зүблэлэй ээлжээтэ сесси дээрэ хуули боложо абтаха юм.
