Улаан-Үдэ хотодомнай ариг сэбэрэй һара ябажа байна. Энэ хэмжээ ябуулгын гаршаг доро эмхи зургаанууд оршон тойронхи газарнуудаа, ажаһуугшад гэрэйнгээ захадахи газарнуудаа сэбэрлэдэг юм. Намарһаа хойшо саһан доро хэбтэһэн муухай хог богнай дулаан болоходо, ирайжа гаража ерэдэг. Ходол сэбэрлэжэ байдаг газарта ариг байдаг бэшэ, харин бузарладаггүй газарта хог байдаггүй гэжэ хэлсэдэг. Мүнөөдэр Улаан-Үдэ хотын һунгамалнуудай зүблөөнэй депутадууд, захиргаанай мэргэжэлтэд А.С.Пушкинай нэрэмжэтэ сквертэ хүрэжэ ерээд хатаһан набшаһа, хагда ногоо тармажа абахаһаа гадна хог богынь суглуулба.
Чисто там, где не мусорят, уверены депутаты. Фото: Фото: Горсовет Улан-Удэ
-Дулаан болохоһоо нааша хэды дахин иимэ хэмжээ ябуулгада хабаадажа байнаб. Хүн зоной оршон тойрохиёо эмхилээд сэбэрээр байхадань һайн байнгүй яахаб даа. Эгээл түрүүн ажаһуудаг гэрэйнгээ газаагуур сэбэрлээб. Һүүлээрнь өөрынгөө тойрогой ажаһуугшадтай хамта, саһанай хайлахада гаража ерэһэн үлэгдэлнүүдые суглуулаабди. Харин мүнөө сугтаа ажалладаг нүхэдөөрөө хотынгоо нэгэ сэсэрлиг сэбэрлэжэ байнабди. Тамхи татадаг зон үлэгдэлнүүдээ тусхай амһартада хаяжа, нохойн эзэд тэдэнэйнгээ гүгэл суглуулжа абадаг һаань үшөө сэбэр байха һэн, — гэжэ һунгамал Владислав Дармаев хэлэнэ.
Депутаты взялись за метлы. Фото: Фото: Горсовет Улан-Удэ
Хотын зүблөөнэй һунгамалнууд энэ газарта жэлэй 2-р дахин сэбэрлэлгын ажалда хабаададаг.
Улан-Удэ — наш дом, и в нем должно быть чисто. Фото: Фото: UlanMedia (УланМедиа)
-Мүнөө олон һунгамалнууднай өөрынгөө тойрогто ажаллажа байна. Эндэ һунгамалнуудһаа гадна хотын захиргаанай ажалшад буянтай хэрэгтэ хабаадана. Хүн бүхэн өөрынгөө хойноһоо сэбэрлэжэ байбал хотомнай үшөө һайхан, гоё болохо. Олоной хабаадалгатай ажалда оролсожо байхада һайн гээшэ аабза, — гэжэ ажаллажа байха үедөө һунгамал Денис Егоров хөөрэнэ.
В сквере собрали 20 мешков мусора и листьев. Фото: UlanMedia (УланМедиа). Фото: Фото: UlanMedia (УланМедиа)
Байгша һарын 22-то бүхы ажаһуугшад ехэ сэбэрлэлгэндэ хабаадажа, энэ жэлэй ариг сэбэрэй һара түгэсэхэ. Гэртэхин үхибүүдээ багаһаань сэбэрээр ябажа, оршон тойронхидоо гамтайгаар хандахыень һурган хүмүүжүүлхэ ёһотой.
