Мүнөөдэр, майн 3-да Улаан-Үдын Һунгамалнуудай зүблэлэй хото барилга бодолгын, барилгын болон газар хэрэглэлгын хороон Буряадай ниислэлэй Генеральна түсэб, газар хэрэглэлгын болон хото барилгын дүримүүдтэ хубилалтануудые оруулха тухай дүримүүдтэ хубилалтануудые оруулха тухай зүбшэн хөөрэлдэбэ. UlanMedia (УланМедиа) түбэй сэдхүүлшэн ерээдүйн хубилалтанууд тухай мэдэжэ абаба.
Хотын зарим талмайнуудай хэрэглэмжэ һэлгэхэ, тиихэдэ зарим объектнүүдые барихын тулада, тэрэ тоодо дэлгүүрнүүдһээ эхилээд, болбосоролой эмхи зургаанууд болотор, үгтэһэн газарай зайн хэмжээ нэмээхэ тухай Улаан-Үдын 111-дахи хороодо капитальна бэшэ гаражануудые олоной хэрэглэмын ногоон талмай дээрэ түбхинүүлхэ тухай эд зөөриин болон газар хэрэглэлгын хорооной мэдүүлгэ хараалагдаа.
Силикатный тосхондо үйлэдбэриин бааза үргэдхэхэ тухай асуудал бодхоогдоо. Тиигэхын тулада олоной хэрэглэмжын ногоон талмай гэжэ хуулитаар баталаатай тэрэ газарай статус һэлгэхэ хэрэгтэй болоно.
Ипподромой үйлсэдэшье һэлгэлтэнүүд болохо юм. Хүдөө ажахын хэрэглэмжын зиндаатай газарые хүн зоной ажаһуухаар болгохыень арад түмэн мэдүүлгэ бариһан байна. Зургаан гектар талмай дээрэ хубиин гэрнүүдые бодохоохоор бэлэн юм. .
“Хандагшадай гуйлтаар прокуратуратай хамта тиишээ ошожо хараа һэмди. Генеральна түсэб соо энэ хубилалта оруулагдаа”, — гэжэ хорооной түрүүлэгшэ Василий Цыремпилов дуулгаа.
Газар хэрэглэлгын асуудал "ургажа байгаа" Улаан-Үдэдэ хэзээдшье эрилтэтэй. Үнгэрэгшэ зүблөөнэй ехэнхи хубинь энэ асуудал зүбшэлгэдэ үгтөө. Дэлгүүр, сэсэрлиг, һургуули, базаар, айлшадай буудал, амаралтын болон тамирай түбүүдые түбхинүүлхэ газарай хэмжээн хубилагдаха болоо.
Жэшээнь, СНТ-гэй дэбисхэр дээрэ бодоһон дэлгүүүрнүүдэй байха газарай хэмжээн дээшэлхэ. Юундэб гэхэдэ, дэлгүүр ерэгшэдэ авто-унаагаа табиха талмайнууд байгуулагдаха юм. Һургуули болон сэсэрэлигэй үмэнэхи талмайнууд болбосон тщхэлтэй болохо юм. 25 хубинь элдэб щнгын сэсэгщщщдээр, ногоогоор шэмэглэгдэхэ.
Үдын зүүн бэедэ лодочно үртөө байгуулагдахаар хараалагдана.
Дээдэ Онгостойдо 111 гектар талмайда парк байгуулагдаха болоо. Энээн тухай хотын ойн ажахынхид дуулгаа. 105-дахи хороодо 4 дабхар бэшэ, харин 5 дабхар гэр байрануудые бодхоохын тулада барилгашад зүбшөөл эрижэ хандана. Хуулитаар тэндэ 4 дабхар лэ байшангууд бодохоогдохо аргатай юм. Эгээл иимэ бэрхэшээлтэй Үдын эрьедэхи талмай, тодорхойлбол, оюутадай кампус болон Үндэһэн музейн бодохо олтирог.
Тобольско гудамжаар ажаһуугшад байһал өөрын бэрхэшээлтэй. Өөһэдынгөө газар хуулитаар хубиин болгохын тулада богони дабхар гэр бариха зоные хубиин ажаһуудалай гэрнүүдэй болгохо ёһотой юм.
Олонхи мэдүүлгэнүүд зүбшөөгдөө. Тиибэшье зарим газарнуудые һунгамалнууд хэрэгтэй эмхи зургаануудай түлөөлэгшэдтэй ошожо хараха түсэбтэй. Тиигэнэһэнэйл удаа зүйтэй шиидхэбэринүүд абтаха юм.
